ஆளும்கட்சி

பாலுக்கும் காவல்
பூனைக்கும் தோழன்

தொண்டன்

தன் மீது விழும் விமர்சனங்களை உதறி
தன் தலைவன் மீது விழும் விமர்சனங்களுக்காக
உயிரை விடும் ஜீவன்

ஆன்மீகவாதி

ஓர் மதம் பற்றி விமர்சிக்கும்
நாத்திகவாதி
ஓர் ஆன்மீகவாதி

இளசுவின் பார்வையில்

கோயில் வாசலில் அமர்ந்தால் அநாகரிகம் .
ஷாப்பிங் மால் வாசல்படியில் அமர்ந்தால் நாகரிகம் .
இன்றைய இளசுகளின் பார்வையில் .

அஞ்சலி

கண்ணீர் அஞ்சலி போஸ்டர் ஒரு தகவல் .
நினைவு அஞ்சலி போஸ்டர் ஒருசுய விளம்பரமா?

கற்பு

பெண்ணுக்கும் ,
ஆணுக்கும்
மட்டுமில்லை
நட்புக்கும் உண்டு கற்பு

வாழ்க்கை

ஆரம்பத்தில் பிறரை வியந்தும்,
பின்னர் பிறர் தன்னை பார்த்து வியக்க விரும்பியும்,
முடிவில் வியத்தல் என்கிற மாயை உணரப்படுவதும்தான்

பெற்ற மனம்

தன்னை
போற்றினாலும்
தூற்றினாலும்
வாழ்த்திடும் அன்புமனம்

இயல்பு

பிறர்க்கு அறிவுரையும் ,யோசனையும் சொல்லும்
தனக்கு யாரும் சொல்லக்கூடாதென்று எண்ணுதல்

தமிழகம்

அரசியல்வாதிகள் நடிகர்களாய்
நடிகர்கள் அரசியல்வாதிகளாய்
உருமாறும் களம்

பொங்கல்

வயலில் உழைத்தவனை
உதடுகள் போற்றும்
மெ(பொ)ய்திருநாள்